مسلسلات رمضان العربيه

n
من فترة قررت اني اوقف اشوف المسلسلات الخليجيه لانها الصراحه ماقامت اشدني كلش. سيناريو واحد و ضيقة خلق و بجي و لوعه مالها معنى، ماكو شي جديد، غير الدراما المصريه.
بديت اتابع مسلسلات مصريه فيها قصه حلوه و تشوف لدرجة اني اقعد افكر بالحلقه طول اليوم احاول اعرف شنو راح يصير بالحلقه اللي وراها. السنه اللي طافت تابعت (مع سبق الاصرار) و كانت روعه مسلسل و سيناريو و تمثيل ماعليه كلام بس النهاية كانت مالها معنى!
هالسنه متابعه (نيران صديقه)و (القاصرات).
اتكلم اول شي عن (نيران صديقة). مسلسل غامض بشكل مو طبيعي. في مسلسلات تقدر تخمن شنو راح يصير بعدين بس هالمسلسل غريب ماني قادره استوعب ليلحين شنو اللي خلاهم يكرهون بعض! طبعا القصه عن ٦ اصدقاء كانت علاقتهم قويه بس صار شي و فرقهم! الكتاب له دخل بس شلون؟! طبعا اهو طابعه شوي اجنبي و ماخذين من مسلسل (بريتي ليتل لايرز) سالفة تدزز المسجات انه في واحد يعرف شنو صار بينهم و انه راح يفضحهم اذا ماسووا اللي يبيه! اغلب الشخصيات تعور القلب باللي صارلها بس اللي يسوونه يخليكم تكرونهم! انا  حاليا كارهه مدحت احسه حقير و غيور و قلبه اسود و حابه رأفت و نهال مساكين. ننطر و نشوف شنو راح يصير بالحلقات اليايه.
ن
مسلسل (القاصرات) جريء بشكل مو طبيعي و في لقطات و ايحاءات جدا مالها معنى خصوصا احنا برمضان و كانوا يقدرون يستغنون عن هذي المشاهد . يتكلم عن الريف المصري و شلون يزوجون بناتهم الصغار حق شايب عايب بس ليش عنده فلوس و يعيشهم عيشه هنيه و الاهل مايفكرون في بناتهم و مشاعرهم او شنو راح يصير لهم! هالشايب كان متزوج ثنتين مبار من قبل بس طلقهم و بدا يتزوج صغار على ١١ او ١٢ سنه! حاليا متزوج ثنتين و الثالثه ماتت بليلة عرسها و الحين بيتزوج بعد بس هذي امها سكندرانيه ملسونه و واقفه بويه ريلها ماتبي تزوجها. المسلسل له شخصيات ثانيه لهم قصص ايضا تتكلم عن الواقع. جريء بس بديت امل شوي من الاحداث المتكرره. بنطر و اشوف شنو واح يصير
Categories: Ramadan, TV show | 1 Comment

Post navigation

One thought on “مسلسلات رمضان العربيه

  1. شفت القاصرات لما ماتت البنيه اكسرت خاطري وبعدها كشيت منه ماحب سوالف الصعايده وهم نفسج المسلسلات الخليجيه موداشه بالي نفس الحركات نفس الحجي نفس السيناريو ماكو شي يديد مع انه سر الهوى شوي اشوف اخراجه حلو بس اشسالفتهم كلهم حبيبه !!! طبعا سوق الحريم حد ولاحرج كل شي متكرر وماعندهم سالفه الصدمتين كانو سعاد عبدالله وحياة الفهد توقعت ردتهم بتكون شي بس طلع شي ماينشاف يعني يمكن مساكين عبالهم بيردون على سوالفهم بخالتي قماشه وبيضحكونا اشوي بس ماسمع الا صراخ ومداحر لي متى بيظلون على طباب المرحوم اعتقد ردو ورا من ورا هالمسلسل على اخر ايامهم – انيي حق سعد الفرج مع اني احترمه ككمثل بس وايد يكرر نفس التمثيل نفس الشحصيه …. قمت اشوف مسلسلات مصريه نفس سالفتج اللي الحين وايد متابعته الداعيه وايد حلو وياي بوقته

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Blog at WordPress.com.

%d bloggers like this: